- Бинонты хистæры куывд
-
– Хуыцау, табу Дын уæд!– Оммен, Хуыцау!– Хуыцауы сконд зæдтæ æмæ дауджытæ, уæ хорзæх нæ уæд!– Оммен, Хуыцау!– Дунескæнæг Хуыцау, адæм рафæлдисæг дæ,Цард раттæг дæ,Æмæ нын Дæ хорздзинæдтæй ма бахæлæг кæн.– Оммен, Хуыцау!– Хурты Хурзæрин, де скастæй дæ аныгуылдмæ сызгъæрин тынтæ уафыс,Бæрзонд арвæй фæлгæсыс хæхтæ æмæ быдыртыл,Алкæй дæр батавыс, алкæй дæр барæвдауыс.Kæд искуы искæмæн хорз арфæтæ ракодтай,Уæд уый æмбал нæ кæстæрты дæр фæкæн.– Оммен, Хуыцау!– Нæ рухс зæдтæ æмæ дауджытæ!Бæрзæндтыл бадут, бæрзæндтæй фæлгæсут адæммæ.Кæд зæххон адæмæй искæмæн хорз ракодтат,Уæд уыдон æмбал бакæнут мæ мæгуыр хæдзары бинонты дæр.– Оммен, Хуыцау!– Йа стыр Хуыцау! Дæ быны цæрæм, Дæ бар стæмÆмæ нæ фыдбылызæй бахиз!– Оммен, Хуыцау!– Кувæг лæг дæн, кувæг лæджы фырт дæн, кувын Дæм,Æмæ Дæм мæ куывд дзæбæхæй фехъуысæд.– Оммен, Хуыцау!– Уастырджи! Фыдæй-фыртмæ дын фæкуывтой нæ фыдæлтæ,Фыдæй-фыртмæ дын кувдзысты нæ кæстæртæ дæр,Табу дæхицæн, сызгъæрин фестинаг.Мæ кæстæртæн æххуысгæнæг у бынаты дæр, фæндагыл дæр.Фæндаджы зын æмæ сын знаджы хæрам ма фенын кæн.– Оммен, Хуыцау!– Тутыр! Тутыры Майрæм! Тутыры Аларды!Mæ кæстæртæ дæ фæдзæхст уæнт,Рын æмæ сæ сонæй хиз, сæ фарсхæцæг у, сæ фæндагфæдзæхсæг у.– Оммен, Хуыцау!– Таранджелоз! Кувæг адæм дæ зонынц, кувæг адæм дæм кувынц.Зонд æмæ тыхдæттæт дæ, развæлгъау уынæг дæÆмæ мæ кæстæртæ де уазæг,Cæ зонд тыхджын уæд, сæ фæнд ныфсджын кæнæд.– Оммен, Хуыцау!– Куырттаты комы кадджын дзуæрттæ!Сымах дæр стут фæдзæхсæг, фæндаггоны кæнут рæстмæйы фæндагыл.Хурау адæмæн ут адджын, царды бар сæхи уæд, сæ фыдгул та сæфт уæд.– Оммен, Хуыцау!– Рухс Тбау Уацилла! Хор дæттæг дæ, хæрзгæнæг дæ,Хорз æмæ хорæй бафсад нæ кæстæрты.Сæ чысыл бакуыст сын ахадæн уæд, сæ бирæ бакуыст – адæмимæ.Сæ фарс у кæддæриддæр, хъахъхъæн сæ фыдбылызæй.– Оммен, Хуыцау!– Hæ хохы дзуæрттæ!Уæ бынæй бирæ адæм рацыдис цардагурÆмæ уæ фарн æмæ уæ кадæй хайджын куыд уой, уыцы хорзæх ракæнут.– Оммен, Хуыцау!– Реком, дæ ном рагæй-æрæгмæ хъуыст у, табу дæхицæн!Табу дын кæнынц адæм,Хорздзинадмæ дæм æнхъæлмæ кæсынц æмæ сæ дæ хорзæх уæд.– Оммен, Хуыцау!– О Фосы Фæлвæра! Дæ бирæ бæркадæй нæ кæстæрты макуы фæцух кæн.Алы аз дын нывæндтæ куыд кæной,Aхæм амонд сын ратт.– Оммен, Хуыцау!– Рыныбардуаг! Рын æмæ низтæ сафыс,Фесаф нæ кæстæрты рынтæ æмæ фыдбылызтæ.– Оммен, Хуыцау!– О Мады Майрæм! Мады хайæ цух куыд никуы уа нæ хæдзар,Уыцы арфæ нæ уæд!Нæ къæсæрæй иу чызг чындзы куы цæуа,Уæд нæм æртæ та мидæмæ цæуæд.Нæлгоймагæй хайджын цы уæм!– Оммен, Хуыцау!– Лæгты бардуаг, Сызгъæрин Уастырджи!Мæ хæдзарвæндаг мын лæг-барæгджын фæкæнÆмæ сæ зæронды бонмæ дæ рахиз базыры бын дар.– Оммен, Хуыцау!– Бынаты Хицау! Мæ хæдзарвæндаг бындурджын куыд уа,Хорæй, фосæй æфсæст куыд уа.Æрбацæуæг райгонд куыд уа, хорз арфæтæ куыд кæна.– Оммен, Хуыцау!– Мыкалгабыртæ, нæ бынæтты бæркад ма фæкъаддæр уæд,Фæлæ фæлтæрæй-фæлтæрмæ цæуæд.Мæ бинонтæ – де уазæг. Табу дын уæд.– Оммен, Хуыцау!кæс ИРОН ÆГЪДÆУТТÆ
Словарь по этнографии и мифологии осетин. 2014.
